HPD-FAQ-Afati

	Fillimi Për Ne FAQ Kontakti me ne


	FAQ: Periudha kohore Kur është dita e fundit për të paraqitur kërkesë? A mund të plotësojë kërkesë pas afatit ? Nga të gjitha vendimet e aprovuara (më shumë se 28.000 në qershor të vitit 2005), janë zbatuar vetëm rreth 10.000 prej tyre. Pse? Pse po zgjatë kaq shumë? Kur do të zgjidhet kërkesa ime? Unë kam parashtruar kërkesën në vitin 2001 dhe HPD/HPCC-ja ende nuk ka marrë vendim. Të tjerët i parashtruan kërkesat e tyre më vonë dhe tashmë i kanë marrë përgjigjet. Kur është dita e fundit për të paraqitur kërkesë pranë DÇBP(HPD)? 1 Korriku 2003. A mund të paraqes kërkesë pas afatit ? Jo pranë DÇBP (HPD). Nga të gjitha vendimet e aprovuara (më shumë se 28.000 në qershor të vitit 2005), janë zbatuar vetëm rreth 10.000 prej tyre. Pse? Ekzistojnë dy shkaqe kryesore për shpërpjestimin ndërmjet numrit të kërkesave të zgjidhura dhe numrit që në të vërtetë janë zbatuar: 1) Rreth 50% e Paraqitësve të sukseshmëm të kërkesave nuk kanë vendosur përfundimisht se çfarë dëshirojnë të bëjnë me pronat e tyre. Kjo tendencë ishte e dukshme pas ngjarjeve të dhunshme të marsit të vitit 2004. Në efekt, në këto raste vendimet janë marrë dhe Drejtorati është gati t’i zbatoj ato por, për shkaqe të ndryshme të cilat shpesh janë të lidhura me gjendjen politike dhe ekonomike të rajonit, Paraqitësi i kërkesës nuk na informon mbi ate që ai/ajo ka ndërmend të bëj. (Për hollësitë mbi zgjidhjet e mundshme të Paraqitësve të sukseshëm të kërkesava, ju lusim t’i referoheni nëntitullit ‘Mundësitë e Paraqitësit të kërkesës pas vendimit’). 2) Kërkesat e sukseshme janë shpesh objekt i kërkesave rishqyrtuese, të parashtruara nga pala e pasuksesshme në kërkesë dhe kjo në efekt nënkupton se kërkesa duhet të rihapet përsëri. Si çdo institucion tjetër i këtij lloji, dhe në pajtim me parimet themelore të drejtësisë së procedurave dhe sundimit të ligjit, nëse njëra nga palët nuk pajtohet me kriteret e vendimit të aprovuar nga HPD/HPCC-ja, ai /ajo mund të kërkoj rishqyrtimin e vendimit. Në pajtim me ligjin e zbatueshëm, Drejtoratit mund t’i parashtrohet kërkesa për rishqyrtim sa herë që pala konsideron se ai/ajo posedon dëshmi të rëndësishme ligjore, të cilat nuk janë shqyrtuar nga HPCC-ja gjatë vendimmarrjes mbi kërkesën; apo- në rastet kur mendohet se ekziston gabimi thelbësor në zbatimin e rregullores që përcakton rregullat e procedures dhe dëshmitë e HPD/HPCC-së. Pse po zgjatë kaq shumë? Kur do të zgjidhet kërkesa ime? HPD-ja ka pranuar mbi 29.000 kërkesa. Çdo kërkesë shqyrtohet veçmas, të gjitha palët kanë të drejtë ligjore për tu njoftuar dhe përgjigjur dhe dokumentet duhet të verifikohen për t’u siguruar se janë të vërteta dhe se janë në përputhshmëri me të drejtat ligjore të deklaruara nga palët Më tej, kohëzgjatja dhe ndërlikueshmëria e procedurës së kërkesave gjithashtu varet nga natyra e vet kërkesës dhe nëse ajo është kontestuese apo jo. Për shkak të numrit të madh të kërkesave HPD-ja nuk është në pozitë që të parashikoj se kur do të vendosë HPCC-ja mbi rastin e caktuar. Megjithatë, HPD dhe HPCC-ja zgjidhin përafërsisht 1.000 kërkesa në muaj dhe vlerësohet se deri në fund të gushtit të vitit 2005 të gjitha kërkesat do të zgjidhen dhe deri në fund të vitit edhe procesi i zbatimit do të përfundoj gjithashtu. Unë kam paraqitur kërkesë në vitin 2001 dhe HPD/HPCC-ja ende nuk ka marrë vendim. Të tjerët i kanë parashtruar kërkesat më vonë dhe tashmë i kanë marrë përgjigjet. Në fund të periudhës së pranimit të kërkesave , më 1 korrik 2003, HPD-ja kishte pranuar përafërsisht 29.000 kërkesa. Ishte e qartë në atë faze të hershme se me numër aq të madh të kërkesave, dhe duke marrë parasysh burimet në dispozicion, se përpunimi i kërkesave me renditje kronologjike do të çoj në thyerjen e të drejtave themelore siç është qasja në Gjykatë dhe e drejta që ato të përfundojnë brenda një periudhe të arsyeshme kohore. Metoda që HPD-ja zbatoi rezultoi në ekuilibrimin e interesit individual që kërkesa e tij/saj të përpunohet me kohë, ndaj interesit të bashkësisë si tërësi që të gjitha kërkesat të zgjidhen sa më shpejtë që është e mundur. Me fjalë të tjera, po qe se HPD-ja do të shqyrtonte pranimin e kërkesave në mënyrë kronologjike, ata të cilët kanë parashtruar kërkesat e tyre në fazën e hershme do të kishin pasur përparësi. Megjithatë do të dëmtohej interesi i përgjithshëm dhe e mira e përbashkët e bashkësisë sepse do të duhej shumë më tepër kohë se 5 vite që të zgjidhen të gjitha kërkesat. Me qëllim që të respektohen të drejtat themelore HPD-ja u detyrua që të zbatoj të shtuquajturat procedura të kërkesave të mbledhura që përdoren nga një numër Komisioneve tjera Ad Hoc. Në këtë aspekt përpunimi i kërkesave pason me zgjedhjen funksionale të rasteve, që i grupon, përpunon dhe vendos kërkesat me karakteristika të njejta. HPD-ja filloi punën me kapacitet të plotë në vitin 2000 dhe pritej që ta përfundonte mandatin dhe të vendoste për veprimet – që të gjitha pronat t’ua kthente Bartësve të ligjshëm të së drejtës pronësore—deri në fund të vitit 2005. Gjatë kësaj kohe HPD-ja në mënyrë aktive ka mbledhur 29.000 kërkesa së bashku me dokumentacionet plotësuese dhe ka bërë ndërmejtësimin apo shqyrtimin e kontesteve si dhe zbatimin e vendimeve fizikisht në terren. Nëse kjo detyrë e madhe dhe e ndërlikueshme që i është dhënë HPD-së krahasohet me kohën dhe burimet që i kishte në dispozicion për kryerjen e detyrës së saj, HPD-ja do të karakterizohej si operacion i suksesshëm.