FJALORTH

• Procedure Permbledhese
  Kërkesa në të cilën paraqitësi i kërkesës pohon se ai/ajo ka qenë pronarë, posedues apo bartës i së drejtës së banimit të pronës banesore para 24 mars 1999 (ndryshe e njohur si kërkesë e kategorisë C) e paraqitur pranë HPD në bazë të nenit 1.2(c) të Rregullores së UNMIK-ut Nr. 1999/23, e cila është e pakontestueshme, mund të konsiderohet nga HPCC si procedurë përmbledhëse. Në raste të tilla HPCC mund të bëjë urdhër për kthim të posedimit të pronës nëse ka dëshmi të kënaqshme se paraqitësi i kërkesës ka qenë në posedim të pakontestueshëm të pronës para 24 mars 1999, shih nenin 23 të Rregullores së UNMIK-ut 2000/60.
  
  
• Prona e bashkuar
  Kjo nënkupton tokën dhe ndërtesat që shfrytëzohen nga paraqitësi i kërkesës apo që janë pronë e tij, që krijojnë një njësi fizike me një pronë banesore, shih nenin 1 të Rregullores së UNMIK-ut 2000/60.
  
  
• Prona e braktisur
  Cilado pronë, pronari i së cilës apo poseduesi i ligjshëm dhe familja e tij e kanë lëshuar atë pronë pa vullnetin e tyre, për arsye jo të mungesës së rastësishme, dhe ajo pronë tani është e zbrazët apo ilegalisht e banuar, shih nenin 1 të Rregullorës së UNMIK-ut 2000/60..
  
  
• Pronë e administruar
  HPD-ja është e autorizuar të administroj banimet e braktisura për qëllime të dhënjes së ndihmës shtëpiake të personave të zhvendosur apo rrefugjatëve. Mund të bëjë urdhër që të vihet një pronë në administrimin e HPD-së në ndonjerën prej këtyre rrethanave:
  
  (a) Me pajtimin e palëve që marrin pjesë në kërkesë/ankesë;
  (b) Nëse paraqitesi i kërkesës kërkon, duke u percjellur ajo me vendimin e komisionit duke konfirmuar të drejtën pronësore të paraqitësit të kërkesës;
  (c) Si pasojë e dëbimit të banorit aktual, nëse paraqitësi i kërkesës dështon të riposedoj pronën brenda 14 ditësh prej njoftimit për ekzekutimin e dëbimit;
  (d) Kur nuk është paraqitur asnjë kërkesë për pronën, dhe ajo pronë është e zbrazët apo banori aktual i pronës nuk kërkon asnjë të drejtë pronësore për atë pronë; apo
  (e) Kur nuk paraqitet asnjë kërkesë për atë pronë, me kërkesen e pronarit apo bartësit të së drejtës së banimit.
  
  Përderisa prona është e administruar nga HPD-ja, të drejtat e posedimit nga ana e pronarit apo bartësit të së drejtës së banimit janë të suspenduara në interes të publikut.
  HPD-ja mund të jap leje të përkohshme personave që të baonjë në pronë nën administrimin e sajë në bazë të kushteve dhe rrethanave që i sheh si të nevojshme HPD-ja, si dhe është e obliguar të vendos kritere për ndarjen e pronave të këtij lloji. Kjo nuk duhet të keqkuptohet si vënje e obligimit tek HPD-ja për adresimin e çështjeve humanitare/sociale; kjo përgjegjësi qartë bie mbi PISG, dhe diskutohet në këtë dokument më poshtë me titullin “nevojat për banim – banimi humanitar”.
  Urdhërat për dëbim në lidhje me pronën nën administrim të HPD-së Kur pronari apo bartësi i së drejtës së banimit të pronës që gjendet nën administrim të HPD-ë e njofton HPD-në se dëshirojnë të kthehen në pronë, HPD do të dorëzoj një urdhër dëbimi duke kërkuar prej banorit aktual të lëshoj pronën në afat prej 90 ditësh. Kur banori aktual nuk e përfill urdhërin që të lëshoj pronën, HPD do të procedoj me lëshimin e autorizimit për ekzekutimin e urdhërit të dëbimit.
  Duhet të mirret parasyshë se HPD poashtu mund të lëshoj urdhër dëbimi në lidhje me pronën nën administrim në ç’do kohë në ndonjerën prej rrethanave të poshtëshënuara:
  - kur banori aktual nuk i përmbush kushtet për leje të përkohshme ;
  - kur leja e përkohshme ka skaduar;
  - kur bartësi i lejes së përkohshme dështon në përmbushjen e kushteve për akomodim në baza humanitare apo nuk vepron me kushtet dhe rregullat e lejës së përkohshme.
  Administrimi i pronës nga HPD-ja përfundon pas riposedimit të pronës nga pronari apo bartësi i së drejtës së banimit, shih tutje neni 12 i Rregullorës së UNMIK-ut 2000/60 – kliko këtu për tu lidhur drejtperdrejt me nenin 12.
  
  
• Prona Banesore
  Patundshmëria e cila me 24 mars 1999 është përdorur si vendbanim. Mund të jetë shtëpi apo apartament, cilado pronë shoqërore, dhe cilado pronë e bashkuar, shih nenin 1 të Rregullores së UNMIK-ut 2000/60. Prona e bashkuar është e përshkruar me sipër me titullin .“prona e bashkuar” .
  
  
• Qendra e thirrjeve
  Qendra e thirrjeve kontakton dhe pranon thirrje prej paraqitësve të kërkesave në baza ditore në mënyrë që të jap atyre të dhëna më të reja mbi kërkesat e tyre, të aranzhoj për njoftimet/mbledhjen e vendimeve dhe të mirret me qështjet në lidhje me procesim dhe implementim të kërkesave dhe vendimeve.
  Numri i Qendrës së thirrjeve është + 381 (0) 38 249 936, apo mund t’a kontaktoni poashtu me email administrator@hpdkosovo.org apo në ndonjë prej numrave të telefonave apo faksave të vendosura nëpër zyret e stafit të HPD-së, apo në http://www.hpdkosovo.org/contactus.htm.
  
  
• Rast inventari
  Prona që gjindet nën administrim të HPD-së ex officio, pasues i mandatit të HPD-së siq përshkruhet në nenin 1.1 të Rregullorës së UNMIK-ut 1999/23.
  
  
• Riposedimi
  Pas njoftimit mbi kërkesën e suksesshme, paraqitesi i kërkeses mund të kërkoj riposedim të pronës së kërkuar – kjo është njëri prej opcioneve të implementimit që paraqitësi i kërkesës mund të kërkoj, siq u diskutua më sipër me titullin “Implementimi”.Kërkesa duhet të bëhet me shkrim, preferohet që të plotësohet dhe nënshkruhet forma ekzistuese “Kërkesë për dëbim”. Pas pranimit të asaj kërkese nga paraqitësi i suksesshëm i kërkesës, HPD do të kërkoj prej cilitdo banorë aktual të asaj prone për ta liruar pronën brenda 90 ditëve. Nëse banori nuk e liron pronën vullnetarisht, HPD do të lëshoj urdhër për dëbimin e tij prej pronës në fjalë. Dëbimet janë diskutuar me titullin “Dëbimi” me sipër. Paraqitësi i kërkesës do të informohet, më së shumti, shtatë ditë para datës së dëbimit, dhe brenda 24 orëve pasi që të ekzekutohet dëbimi. Pasi që të ekzekutohet dëbimi paraqitësi i kërkesës kërkohet që menjëher të hyjë në riposedim të asaj prone. Pas dëbimit, HPD është plotësisht e ç’liruar prej çfarëdo përgjegjësie në lidhje me atë pronë. Rasti mbyllet dhe HPD nuk do të ndërmarr asgjë më tutje. Procedurë e ngjashme aplikohet kur paraqitësi i suksesshem i kërkesës e vendosë pronën nën administrim të HPD-së dhe, pas një kohe, e informon HPD-në se dëshiron ta riposedoj pronën e tijë/sajë, shih tutje nenin 12 të Rregullores së UNMIK-ut 2000/60.
  
  

<< i Mëparshëm           i Ardhshëm >>