Glossary

• Afatet e fundit/periudhat e kufizimeve të aplikueshme në procedimet e HPD/HPCC
  
  Plotësimi i kërkesës
  Afati i fundit për paraqitjen e kërkesës në Drejtorinë për Banim dhe Pronë ka qenë deri më 1 korrik 2003.
  Kërkesat për rikonsiderim
  Afati i fundit për një palë që të paraqes një kërkesë në HPD për rikonsiderim të vendimit të sajë nga ana e HPCC është 30 ditë prej datës së njoftimit mbi vendimin. Personi i interesuar i cili nuk është palë në një kërkese duhet të paraqes kërkesë rikonsiderimi brenda 30 ditesh pas njoftimit mbi vendimin por jo me vonë se një vit prej datës së vendimit të HPCC. Sidocoftë, duhet të vërehet se në interes të zgjidhjeve efikase dhe fer të kërkesave, Drejtorati mund që, në raste specifike, të zgjas afatet apo të zbatoj rregullat procedurale të kësaj kaptine, kur ka arsye të mirë të veprohet në atë mënyrë dhe kjo nuk do të dëmtonte materialisht të drejtat e asnjëres palë, shih nenin 9.10 të Rregullorës së UNMIK-ut 2000/60. Më tutje, HPCC mund që në raste specifike të procedoj edhe mospajtime me çfarëdo ligji procedurial nga cilado palë apo nga Drejtorati në interes të administrimit efikas të drejtësisë, kur ka arsye të mirë për të bërë ashtu, dhe kur kjo nuk i dëmton materialisht të drejtat e asnjërës palë, shih nenin 19.6 të Rregullorës së UNMIK-ut 2000/60.
  Implementimi
  Mandati i HPD-së do të implementohet plotësisht deri në fund të vitit 2005 dhe HPD do të ekzistoj në Kosovë. Në mënyrë që të sigurohet implementimi i të gjitha vendimeve, paraqitësit e kërkesës kanë dy javë pas njoftimit se vendimi është marrë për rastin e tyre, gjatë së cilës kohë ata do të marrin atë vendim në zyrën e HPD-s. Pastaj, ata kanë edhe dy javë kohë që të njoftojnë HPD-në për opcionin e tyre të preferuar të implementimit. Nëse paraqitësi i kërkesës nuk vie që ta marr këtë vendim dhe / apo paraqitesi i kërkesës nuk e informon HPD-në për mënyrën e preferuar të implementimit të vendimit, HPD do të procedoj në mbylljen e atij rasti. Cfarëdo kërkese e mëtutjeshme e paraqitësit të kërkesës për tu implementuar ai vendim, do të duhet të drejtohet tek autoritetet lokale, shih njoftimet për publikun në faqen e internetit http://www.hpdkosovo.org/albanian/index.htm.
  
  
• Bartësi i së Drejtës së Ndarjes
  Ky është emër për ndërmarrjen sociale që ka të drejtë të bëjë ndarjen e apartamenteve si pronë sociale, palëve, në përputhje me ligjin e aplikueshëm, shih nenin 1 të Rregullorës së UNMIK-ut.
  
  
• Dëbimi
  Procedura për zbatimin e një dëbimi është e përkshkruar në nenin 13 të Rregullores së UNMIK-ut 2000/60. Fillimisht HPD duhet që të dërgoj një kopje të vërtetuar të vendimit dhe urdhërit të HPCC banorit aktual të pronës së kërkuar. Ne rastin kur banori aktual nuk e liron pronën, HPD duhet t’i dërgoj urdhërin për dëbim të lëshuar nga HPCC banorit aktual. HPD mundet, me lirinë e sajë të veprimit, të ngadalsoj ekzekutimin e urdhërit të dëbimit deri në 6 muaj, deri në zgjidhjen e çështjes së banimit të banorit aktual, apo në kushte kur ajo shihet si e arsyeshme dhe e zbatueshme. HPD duhet të njoftoj banorin aktual dhe paraqitesin e kërkesës për arsyet e shtyrjes së afatit, shih tutje nenin 13 të Rregullores sëUNMIK-ut 2000/60. Duhet të vërehet se ekzekutimi i urdhërit të dëbimit duhet të jetë i ndaluar prej kohës së paraqitjes së kërkesës për rishqyrtim deri sa HPCC të ketë vendosur për kërkesën rishqyrtuese, nëse në të kundërtën HPCC vendosë ndryshe, shih nenin 14.3 të Rregullorës së UNMIK-ut 2000/60. Sa i përket kërkesave rishqyrtuese në përgjithësi, shih nenin 14 të Rregullores sëUNMIK-ut 2000/60 të marrë parasyshë më poshtë me titullin “Kërkesat Rishqyrtuese”. Sa i përket urdhërave të dëbimit në raste kur prona është nën administrim të HPD, shih nenin 12 të Rregullores së UNMIK-ut 2000/60, të shqyrtuar me sipër me titullin “Prona e Administruar”.
  
  
• Dëmet e pronës nën administrim
  Drejtorati ka për obligim që të bëj përpjekje të nevojshme të minimizoj rrezikun e dëmit për cilëndo pronë nën administrim të sajë, por nuk mbanë asnjë përgjegjësi për dëm të pronës në administrim të sajë apo për humbje të përmbajtjeve apo për dëm të tyre, shih tutje nenin 12.8 të Rregullorës së UNMIK-ut 2000/60.
  
  
• Dëmshpërblimi
  Neni 2.2 i Rregullores së UNMIK-ut 2000/60 thekson se cilido person e drejta pronësore e të cilit është humbur në mes të periudhës 23 mars 1989 dhe 24 mars 1999 si rezultat i diskriminimit, ka të drejtë për dëmshpërblim në përputhje me dispozitat e kësaj Rregulloreje. Dëmshpërblimi mund të marr formën e rivendosjes të së drejtës pronësore (tutje “rivendosje”) apo kompenzim; shih nenin 4 të Rregullores së UNMIK-ut 2000/60. Dëmshpërblimi dhe kompenzimi janë konsideruar më sipër me titullin “Kompenzimi dhe Dëmshpërblimi”.
  
  
• Dëshmi
  Si rregull i përgjithshëm, HPCC vendosë për kërkesat në bazë të dëshmive të dokumentuara dhe shkresave të paraqitura. Asnjë palë nuk mund të jap dëshmi me gojë pranë HPCC nëse nuk ftohet paraprakisht. Kur nje palë ftohet për të dhënë dëshmi gojore pranë HPCC, dëgjimi duhet të bëhet në vend publik dhe të kryhet nën direkcionet e Kryesuesit të HPCC dhe njoftimi duhet ti ipet palëve, shih nenin 19.2 të Rregullorës sëUNMIK-ut 2000/60. Sa i përket paraqitjes së dëshmive të shkruara apo të dokumentuara, palët pjesëmarrëse të kërkesave kërkohen që të paraqesin origjinalet apo kopjet e vërtetuara te cilitdo dokument në të cilin ata dëshirojnë të bazohen si mbështetje e kërkesës së tyre dhe të cilat janë relevante me kërkesën dhe të cilat i kanë në posedim apo mund të gjinden (të cilat mund të mirren nga të dhënat publike), shih nenin 9.5. HPCC mund të kërkoj prej HPD-së të marr më shumë informata nga një palë, apo të kryej hetime shtesë, shih nenin 21.2. Sa i përket seancave plenare, HPCC mund të udhëzohet por nuk është e kufizuar nga rregullat e dëshmive të aplikueshme në gjykatat vendore në Kosovë. Tutje, mund të konsideroj çfarëdo dëshmie të besueshme, e cila është relevante me kërkesën, përfshirë dëshmitë e paraqitura nga Drejtoria në lidhje me besueshmerinë e të dhënave publike, shih nenin 21 të Rregullores sëUNMIK-ut 2000/60.
  
  
• Dëshmitë Prima facie
  Dëshmitë të cilat janë të mjaftueshme për të ngritur mundësi të faktit apo të themeloj faktin në fjalë nëse nuk është e hedhur poshtë.
  
  

i Ardhshëm >>